O‘zbekiston Respublikasi Prezidentining 2019 yil 4 dekabrdagi “O‘zbekistonda futbolni rivojlantirishni mutlaqo yangi bosqichga olib chiqish chora-tadbirlari to‘g‘risida”gi PF-5887-sonli Farmoni ijrosini ta’minlash maqsadida Sirdaryo viloyati kasbiy ta’limni rivojlantirish va muvofiqlashtirish hududiy boshqarmasi hamda Sirdaryo viloyati futbol assotsiatsiyasi hamkorligida “Assotsiatsiya kubogi” futbol musobaqalari kasb-hunar maktablari o‘quvchilari o‘rtasida tashkil etildi.
O‘quvchilarni darsdan so‘ng bo‘sh vaqtini mazmunli tashkil etish va 5 ta muhim tashabbusning ikkinchi yo‘nalishi “Yoshlarning jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yo‘naltirish” bo‘yicha o‘tkazilgan “Futbol” sport musobaqalarida 11 ta kasb-hunar maktabining jamoalari ishtirok etdi.
O‘tkazilgan sport musobaqalarida
Boyovut tumani 1-son kasb-hunar maktabi I-o‘rin,
Sayxunobod tumani 2-son kasb-hunar maktabi II-o‘rin,
Xovos tumani 1-son kasb-hunar III-o‘rinni egallashdi.
Musobaqa g‘oliblari xamkor tashkilotlarning estalik va qimmatbaho sovg‘alari bilan taqdirlanishdi.
Sirdaryo viloyati Kasbiy ta’limni rivojlantirish va muvofiqlashtirish hududiy boshqarmasi matbuot xizmati