Sirdaryo tuman kasb-hunar maktabi 2023-yilda byudjetdan tashqari mablag‘lari hamda «Tashabbusli byudjet» loyihasi doirasida yutib olingan mablag’lar hisobiga tikuv mashinalari, tokarlik dastgohi, payvandlash jihozlari hamda akfa romlari tayyorlash jihozlari harid qilindi.
Mazkur jihozlardan samarali foydalanish, o’quvchi-yoshlar uchun yangi ish o‘rinlari tashkil etish maqsadida taʼlim muassasada 3 ta ishlab chiqarish xonasi tashkil etildi. Bugungi kunda 15 nafar o‘quvchi-yoshlar manashunday imkoniyatlardan foydalanib ishlab daromad topishmoqda hamda o‘z biznesini yo’lga qo’yishda kerakli kasb va ko‘nikmalarni egallab borishmoqda.
2024-yil “Yoshlar va biznesni qo‘llab quvvatlash“ yili munosabati bilan ishlab chiqarish va xizmat ko‘rsatish sohalari bo‘yicha qo‘shimcha yangi sexlarni tashkil etish hamda ta’lim muassasada ish o‘rinlari ko‘paytirish kasb-hunar maktabining eng ustuvor vazifasi qilib belgilandi.
