Mirzaobod tuman kasb-hunar maktabida o‘qituvchilarning bo‘sh vaqtini mazmunli o‘tkazish maqsadida «Ingliz tilini o‘rganamiz» nomli o‘quv kursi tashkil etildi. Ushbu kurs doirasida o‘quv amaliy darsi “Introduce Yourself” (O‘zingizni tanishtiring) mavzusiga bag‘ishlandi. Darsning asosiy maqsadi o‘qituvchilarga ingliz tilida o‘zlarini tanishtirishda kerakli iboralar va ifodalardan foydalanishni o‘rgatish hamda til o‘rganishga qiziqish uyg‘otishdan iborat edi.
Dars davomida o‘qituvchilarga ingliz tilida o‘zlarini tanishtirishning asosiy frazalarini o‘rgatish, shuningdek, ingliz tilida suhbatni boshlash va davom ettirishning oddiy usullari ko‘rsatildi. O‘quvchilar o‘z ismlari, kelib chiqish joylari va kasblari haqida gapirishda, shuningdek, ingliz tilidagi kundalik muloqotga oid qiziqarli savollarni berishda amaliy ko‘nikmalarini oshirdilar.
Shu tarzda o‘quv amaliy darsi orqali o‘qituvchilar o‘zlarining ingliz tilidagi so‘zlashuv ko‘nikmalarini rivojlantirdilar va yangi bilimlarni amaliyotda qo‘llash imkoniyatini topdilar. Bunday tadbirlar o‘qituvchilarning til o‘rganishga bo‘lgan qiziqishini oshiradi va kasb-hunar maktabining o‘quv jarayonini yanada samarali qiladi.
O‘qituvchilar uchun ingliz tili bo‘yicha o‘quv kurslari va amaliy mashg‘ulotlar davom ettiriladi. Kelgusida, tuman maktablarida ingliz tilini o‘rgatishning samarali usullarini tadqiq qilish va o‘qituvchilarning metodik ko‘nikmalarini oshirishga qaratilgan yangi kurslar tashkil etilishi rejalashtirilgan.
Mirzaobod tuman kasb-hunar maktabi bu kabi tadbirlarni muntazam ravishda o‘tkazish orqali o‘qituvchilarning bilim va ko‘nikmalarini oshirib, ta’lim sohasida sifatli o‘zgarishlarga erishishga intilmoqda.
