19-mart kuni Mirzaobod tuman politexnikumida milliy qadriyatlarimiz timsoli bo‘lgan Navro‘z bayrami munosabati bilan “Qadriyatlaring boqiy bo‘lsin, Navro‘z” shiori ostida madaniy-ma’rifiy tadbir bo‘lib o‘tdi.
Tadbir davomida politexnikum jamoasi va talabalar ishtirokida sahna ko‘rinishlari namoyish etilib, milliy urf-odatlarimiz aks ettirildi. Ishtirokchilar xalqimizga xos mehr-oqibat, ahillik va bag‘rikenglik fazilatlarini namoyon etishdi.
Tadbir doirasida har bir guruh tomonidan xalq o‘yinlari, tosh ko‘tarish va arqon tortish musobaqalari tashkil etilib, bayramga o‘zgacha shukuh bag‘ishlandi. Bayram tadbiri barcha ishtirokchilarga ko‘tarinki kayfiyat ulashib, milliy qadriyatlarimizni yanada mustahkamlashga xizmat qildi.
