2025-yil 11-mart kuni Mirzaobod tumani politexnikumida Oliy ta’lim, fan va innovatsiyalar vazirligining Sirdaryo viloyati boshqarmasi hamda Migratsiya agentligi Sirdaryo hududiy filiali vakillari ishtirokida davra suhbati bo‘lib o‘tdi. Tadbirda texnikum o‘quvchilari va ularning ota-onalari qatnashdi.
Davra suhbati davomida talab yuqori bo‘lgan kasblar va xorijiy tillarni o‘rganish muhimligi muhokama qilindi. Shu munosabat bilan politexnikumda tashkil etilgan koreys, turk, ingliz va rus tili kurslari, ularning o‘qitish tartibi va mavjud imkoniyatlari haqida ma’lumot berildi.
Shuningdek, politexnikum qoshida «Migratsiya maslahatxonasi» tashkil etilishi ma’lum qilindi. Kelgusida ushbu markaz orqali xorijga mehnat migratsiyasi bilan bog‘liq barcha masalalar bo‘yicha murojaat qilish mumkin bo‘lishi ta’kidlandi.
